“Ita hotu sei servisu hamutuk hodi lori sidadun di'ak ida ba tur iha Palásiu Prezidensiál Aitarak laran atu sai prezidente ba ita hotu. Atu hili se, ne'e tuir ita ida-idak nia preferénsia no atividade ohin ne'e hanesan seminariu ida liu-liu kona-ba ita-boot sira-nia kontribuisaun votu mak determina”, dehan José Agostinho, iha Salaun CNE, Kolmera, segunda (21/02).
Tanba ne’e CNE hamutuk ho CNJTL, KRAM, PNTL no KAKC realiza semináriu ho tema ‘hakbi'it joventude sira-nia sentidu de pertense ba aktu eleitorál iha ambitu eleisaun prezidente’.
“Atividade sira hanesan ne'e la'ós atu halo maibé ita sei kontinua halo tanba ita-nia joventude sira mak bele asegura eleisaun ne'ebé sei mai.”, hatete nia.
Tanba ema hotu hatene joventude agora nia situasaun ne'e diferente ho Joven iha tinan 75 nia ne’ebé tama ona idade avansadu presiza deskansa no Joven agora kontribui ba dezenvolvimentu no kandidatu ba prezidente.
“Joven sira agora mai ne'e, otas ne'ebé nurak no hetan oportunidade hanesan bele subtitui mós ita-nia joven sira ho otas ne'ebé diferente. Maibé prosesu hotu ne'ebé iha la fasil ho ninia responsável ne'ebé la hanesan. Sira ne'ebé konkore tanba investe ona iha tinan 24 liuba. Ita sira ne'ebé agora tenke investe nune'e bele ku'u iha futuru mai”, afirma nia.
Tanba ne’e, joven sira presiza partisipa eleisaun, bainhira partisipa labele kritika, joven tenke fó votu ba, tanba nasaun sei husik hela ba joven sira. (*)