Login to your account

Username *
Password *
Remember Me

Asanami Hakarak Muda Mentalidade no Atetude La Kontribui Unidade País 

Militante no simpatizante Partidu Demokrátiku konsentra iha Tasitolu hodi fó apoiu ba Kandidatu Prezidente Repúblika, Mariano ‘Assanami’ Sabino. Militante no simpatizante Partidu Demokrátiku konsentra iha Tasitolu hodi fó apoiu ba Kandidatu Prezidente Repúblika, Mariano ‘Assanami’ Sabino. Foto Suplay

Tempotimor (Dili)-Prezidente Partidu Demokrátiku (PD), Mariano ‘Asanami’ Sabino, deside kandidata-an ba Prezidente Repúblika 2022-2027, tanba hakarak muda mentalidade no atetude la kontribui unidade país nian.

“Ha’u mai atu halo mundasa ba mentalidade no atitude polítika no sosiál sira ne'ebé la kontribui ba unidade país nian”, dehan Asanami hafoin halibur militante Partidu Demokrátiku iha Tasitolu, domingu (20/02).

Tanba ne’e, iha loron domingu (20/02) Asanami deklara ofisiálmente kandidatura Prezidente Repúblika (PR) períodu 2022-2027 ba públiku.

"Ohin, loron 20 fulan-fevereiru 2022, ha’u anunsia ofisialmente ha’u-nia kandidatura ba Prezidente Repúblika Períodu 2022-2027”, deklara nia.

Pozisaun Asanami deside kandidatu-an, tanba nu’udar líder transjerasionál no interjerasionál ida, iha responsabilidade ba Estadu Timor-Leste nomós hakarak garante no promove prinsipiu no valór umanu Timor-Leste nian hodi kuda-metin domin, fraternidade, solidariedade, toleránsia, diálogu, no responsabilidade iha ida-idak nia fuan. 

Tanba ne'e, hakarak kandidatu-an oinsá bele kria ambiénte politika ne'ebé di’ak hodi bele partisipa di’ak liután iha dezenvolvimentu ida integradu ho sustentavél no inkluzivu.

"Segundu, ha’u hakarak assegura no defende pensamentu autentiku husi fundadór RDTL sira, ne'ebé mós hanesan ha’u-nia pensamentu rasik, luta hodi promove no defende povu nia moris di’ak ka bem estar ho baze iha sistema demokrátiku ida, no ho diálogu hodi hetan konsensu ba asuntu sira ho karatér interese nasionál”, esplika nia.

Aleinde hakarak mós promove no hametin garantia ba sidadaun sira-nia direitu ho liberdade no respeitu ba dignidade umana hanesan hatu’ur ona iha Konstituisaun, ho baze iha Estadu direitu, liuhusi implementasaun konsistente ba lei sira, no dezenvolvimentu iha setór hothotu.

"Kuartu, hametin no garante estabilidade nasionál, ne’ebé hanesan kondisaun esensiál ba konsolidasaun prosesu Konstrusaun Nasaun no Konstrusaun Estadu”, afirma nia.

Ho pensamentu hirak ne’e hotu, Kandidatu Prezidente Repúblika Asanami ho Vizaun rasik ba Timor-Leste, hakarak kuda no hametin liután Timor-Leste ida fraternu, solidária, unidu, tuir vizaun Estadu nian. (*)

Rate this item
(1 Vote)
Last modified on Sunday, 20 February 2022 23:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter