“Purtantu kampaña sira, ha'u hatete ita hothotu ne'ebé apoiu númeru 14, ita tenke halo kampaña ida, laiha violénsia, laiha insulta ba kandidatu sira seluk ho partidu sira seluk”, dehan Horta hafoin akompaña Prezidente Partidu Congresso Nacional Reconstrução de Timor (CNRT), Kay Rala Xanana Gusmão hala'o konsolidasaun ho militante iha área Tasitolu, sábadu (19/02).
Tanba kampaña ne'e, povu programa no planu saida mak Prezidente atuál ba oin atu halo, maibé povu la'ós atu rona kandidatu sira insulta malu.
Kona-ba kestaun lakon ka manán ida ne'e nia prontu simu realidade no tanba ne’e lakon mós prontu ba deskansa.
“Sé lakon karik iha eleisaun, tanba diabu haksoit tama forti liu karik na'in maromak ha'u lakon, ha'u mós deskansa, ha'u la'ós estress, ha'u kalma”, esplika nia.
Maibé manán iha primeira ronde mak prontu simu todan ida ne'e, hanesan krus ida, no sei lori iha kabas ho konfiansa tomak husi Xanana Gusmão.
Tanba konfiansa ne'ebé Prezidente Partidu CNRT, Kay Rala Xanana Gusmão fó, ida ne'e sei la ko'alia barak, tanba ema hothotu iha ne'e mós hanoin, no presiza mós hanoin balun husi Xanana, kona-ba preokuasaun, nia mehi no nia polítika. (*)