“Ami husi klibur unidade hamutuk ho apoiante juventude na'in feto potensiál deklara apoiu votu ba kandidtura Prezidente Repúblika ho númeru sorteu 14, katak hamutuk ba líder nasionál ida, Ai ri’in haat nu’udar soberania Estadu RDTL”, hatete Portavóz KUJ, Bonifacio Cardoso liuhusi konferensia imprensa iha Fatuhada, sesta (18/02).

Maske Klibur Unidade Juventude rasik deklara sei apoiu Horta iha eleisaun prezidensiál ne'ebé realiza iha loron 19 fulan-marsu 2022, maibé husu atu restaura hikas konstituisaun no lei inan ba povu.

Tanba Kandidatura, José Ramos Horta koiñesidu ho Premiadu Nobel da Paz, ka láder nasionál no mundiál, nia hatene interpreta no valoriza lei, hodi sai prezidente ba povu tomak la'ós ba partidu.

“Só Doutór José Ramos Horta mak bele foti hikas imajen Timor-Leste nian iha mundu”, afirma nia.

Parte seluk, Klibur Juventude mós hakarak konvida líder karismatiku, hanesan Prezidente Partidu CNRT ne'ebé koiñesidu ho naran kódiku Xanana atubele hakbesik-an ba juventude sira iha Fatuhada. (*)