Login to your account

Username *
Password *
Remember Me

PNUD Entrega Tinta Indelivel Botir 12.600 no EPP ba STAE

Diretór Jerál STAE, Acilino Branco, ko’alia hela iha serimónia entrega ekipamentu ba eleisaun husi PNUD iha Sala Enkontru STAE, Kaikoli, kinta (17/02). Diretór Jerál STAE, Acilino Branco, ko’alia hela iha serimónia entrega ekipamentu ba eleisaun husi PNUD iha Sala Enkontru STAE, Kaikoli, kinta (17/02). Foto Tempo Timor

Tempotimor (Dili)-Programa Nasaun Unidas ba Dezenvolvimentu (PNUD) entrega Tinta Indelivel hamutuk botir 12.600 no Ekipamentu Protesaun Pesoál (EPP) ba Orgaun Sekretariadu Tékniku Administrasaun Eleitorál (STAE) ba eleisaun Prezidensiál.

“Tinta Indelivel ninia utilidade ne’e iha fatura seguransa ne'ebé efetivu atu prevene votante sira vota ba dala-rua, tinta ne'e uza ona husi eleisaun sira ba kotuk depois ukun-an”, dehan Diretór Jerál STAE, Acilino Branco, iha Sala Enkontru STAE, Kaikoli, kinta (17/02).

Tanba tinta indelivel ne'e, konserteza sei kontribui ba siklu eleisaun sira ne'ebé seguru no transparante nomós reforsa direitu ba vota no demokrasia. Ho tinta indelivel ne’ebé oferese tanba liuhusi kooperasaun ho Governu Timor-Leste ho parseiru internasionál PNUD.

Ba tinta ne'e rasik hetan aprovasaun husi orgaun administrasaun no reguladór eleitorál no partidu polítiku sira liuhusi teste ne'ebé hala'o iha fulan-dezembru 2021.

Nune’e mós ba ekipamentu Protesaun Pesoál ho unidade 8 ba pesóal orgaun administrasaun no reguladór eleitorál hanesan dizinfektante jerigen 60, botir sanitizer 6.000, masker disposal hamutuk tahan 400.000, thermometer 1.600, luvas par hamutuk 2.900, ne’ebé finansia husi Governu Japaun.

Embaixadór Japaun iha Timor-Leste, Masami Kinefuchi hatete, eleisaun mai Timor-Leste sei hasoru dezafiu ne'ebé mak nunka hasoru iha eleisaun sira ba kotuk, tanba Pandemia COVID-19 ne'ebé mak da'et iha tempu eleisaun agora.

Haree ba hondas foun pandemia nia ne'ebé mak la’o hela, espera ekipamentu protesaun pesóal sei garante eleisaun sira ne'ebé mak demokratiku no rezilienti ba COVID-19.

“Ami espera katak eleisaun sira mai sei lao diak tebes hanesan eleisaun sira liu ba”, dehan nia.

Projeitu UNDP CORE-TL hetan apoiu husi Governu Japaun ho osan millaun $4, no Governu Timor-Leste ho $360.000. Tanba liuhusi programa ne'ebé forti entre Governu Japaun, Governu Timor-Leste, CNE no STAE, CORE-TL sei esforsu atu hala'o eleisaun ne'ebé informadu, inkluzivu no reziliente ba COVID-19 iha rai laran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter