“Sim durante kampaña, laiha apoiante ou kandidatura ida mak uza simbolu grupu Arte Marsiál nia, sim ita ko'alia mós kona-ba ida ne'e, tanba kandidatu barak mak mai husi partidu ida ne'e nia, entaun sira fahe malu, e sira ne’e sente katak ami iha direitu hotu atu uza simbolu ida ne'e, maibé la’e”, dehan Vise Prezidente CNE, Domingos Barreto, hafoin partisipa atividade Workshop iha Salaum Maubara Room, Timor Plaza, kuarta (16/02).
Ba Grupu Arte Marsiál sira mós labele uza sasán Arte Marsiál ninia hodi ba apoia fali kandidatura sira, maibé ba ne'ebá hanesan militante, hanesan apoiante, ida ne'e bele, maibé la'ós ba hatudu simbolu Arte Marsiál iha kampaña.
“Ami mós apela ba apoiante sira bainhira apoiu kandidatura PR ba kampaña labele uza atributu Arte Marsiál iha tempu Kampaña, ne'e lei proividu, se ida ne'e mak akontese ami iha liña de kordenasaun oinsá mak Polisia Nasionál Timor-Leste (PNTL) atu atua”, deklara nia. (*)