Login to your account

Username *
Password *
Remember Me

FONGTIL Husu Governu Kria Parajen ba Karreta Estadu

Diretór Interinu Forun Organizasaun Naun Governamentál (FONGTIL), Helio Dias da Silva. Diretór Interinu Forun Organizasaun Naun Governamentál (FONGTIL), Helio Dias da Silva. Foto Suplay

Tempotimor (Díli)-Diretór Interinu Forun Organizasaun Naun Governamentál (FONGTIL), Helio Dias da Silva, husu ba Governu atu kria kondisaun parajen ba karreta Estadu sira ne'ebé para iha loron manas bainhira Funsionáriu sira la utiliza ba halo servisu.

“Ministériu Finansas prepara kondisaun ida ne'ebé mak evita loron manas tanba kuandu (karreta) para iha loron manas, karreta bele aat ou feruzin buat sira ne'e entaun tenke halo manutensaun seguransa ho di'ak prepara fatin di'ak ba transporte sira ne'e”, dehan Hello Dias ba jornalista sira iha Salaun FONGTIL, Kaikoli, tersa (15/02).

Tanba polítika di’ak ne’ebé Governu kria hodi bandu funsionáriu sira lori karreta ba uma bele hamenus gasta manutensaun ba viatura Estadu nian.

“Ha'u hanoin ligasaun ba patrimóniu Estadu, ha'u hanoin polítika ida ne'e di'ak atu nune'e halo poupansa liliu ba ita-nia patrimóniu Estadu tanba Governu nia hanoin atu halo gasta osan ba manutensaun ne'e aas tebetebes, ha'u hanoin ne'e polítika di'ak ida tanba orsamentu ne'ebé aloka ba ida ne'e bele aloka fali setór produtivu seluk”, afirma nia.

Antes ne’e, Ministru Finansas (MF), Rui Augusto Gomes hatete, durante tinan 18 Governu Timor-Leste gasta ona osan lubuk ida ba mina no manutensaun ba veikulu Estadu.

“Kuandu ita haree ba tinan 18 nia laran osan ne'ebé mak ita gasta ba mina nomós manutensaun ha'u iha númeru iha ne'e, tokon 257.779.899 milhões ne'e dehan tokon ne'e”, dehan Rui Augusto Gomes.

Tanba despeza ba mina no manutensaun karreta boot liu, mak Governu daualu hasai rezolusaun ida atu hapara funsionáriu sira lori karreta ba uma.

“Iha tinan kotuk Oitavu Governu konstitusionál aprova rezolusaun númeru 130/2021 kona-ba jestaun realokasaun veikulu Estadu no tuir kedas ho aprova númeru 21/2021 kona-ba subsídiu mensál transporte ne'ebé hahú tama envigór iha fulan ida ne'e nia laran”, esplika nia.

Bazeia aprovasaun rezolusaun no aprivasuan hirak ne'e fó kompeténsia ba Ministériu Finansas (MF) atu koordena no organiza, veikulud Estadu nomós subsídiu mensál transporte.

“Ninia objetivu mak atu reduz utilizasaun veikulu Estadu nian”, nia esklarese.

Tuir observasaun ne'ebé mak durante ne'e www.tempotimor.com halo iha terrenu nota katak, iha loron sábadu no domingu funsionáriu sira la lori ona karreta Estadu ba uma hodi gastu, maibé karreta barak mak para de'it iha loron manas. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter