Hafoin hetan apoiu husi Partidu Congresso Nacional de Reconstrução de Timor (CNRT) hodi kandidata ba Prezidente Repúblika Períodu 2022-2027, Horta hahú halo vizita ba komunidade sira iha munisípiu hodi rona direta preokupasaun ne’ebé komunidade sira enfrenta.
Diálogu ne’ebé Premiadu Nobel da Paz, José Ramos Horta komunidade Aldeia Sesurai hodi rona preokupasaun bee mota ne'ebé sempre sobu bebeik komunidade sira-nia hela fatin, bainhira udan monu rai.
Iha diálogu ne’e, Xefe Suku Betanu, Filipe de Araújo, fó apresiasaun ba José Ramos Horta tanba bele halo diálogu direta ho komunidade sira hodi rona preokupasaun komunidade sira.
“Diálogu ho komunidade sira hodi rona direita preokuapasaun kona-ba problema bee-moos, edukasaun, saúde no problema sosiál seluk ne’ebé tinan barak kesi metin povu nia moris”, dehan nia, Aldeia, Sisurai-Same, segunda (14/02).
Ho ida ne'e, Komunidade sira husu atu kandidatu PR 2022-2027, José Ramos Horta tenke koordena ho Governu sentrál hodi rezolve problema sosiál asesu ba bee-moos, edukasaun, saúde no seluk tan.
Iha diólogu ho komunidade ne’e, partisipa direita husi Komandante PNTL Munisípiu Manufahi, Superintendente Xefe Joni Viana das Regras, Reprezentante Komandu F-FDTL, Xefe Suku Betanu, Filipe de Araújo no komunidade sira. (*)