Tanba ne’e, Prezidente Repúblika (PR), Francisco Guterres ‘Lú Olo’, husu atu embaixadór kontinua hamenti relasaun entre nasaun Timor-Leste ho Portugal iha área ne’ebé presiza nafatin iha futuru.
“Enkontru ho Prezidente Repúblika hanesan enkontru despedida, tanba ha'u termina ha'u-nia mandadu iha Timor-Leste. To'o ona tempu atu halo fali servisu iha fatin seluk, tanba ne'e mak ha'u mai halo despedida ho Xefe Estadu”, dehan nia hafoin hasoru malu ho PR Lú Olo iha Palasíu Prezidensiál Baitupite, segunda (14/02).
Iha oportunidade ne'e, embaixadór ho Prezidente ko'alia mós kona-ba kooperasaun di'ak entre Portugál ho Timor-Leste, ne'ebé sai hanesan pais irmaun, partilla valór komum.
“Prezidente ho ha'u fiar katak kooperasaun entre Portugál ho Timor-Leste sei kontinua, no sei konkretiza fraternidade sira ne'e hotu hanesan Xefe Estadu mensióna katak, sei konkretiza avansu sira ne'e hotu liuhusi progressu konkretu liuhusi troka esperiénsia no ideia no Portugál sei kontinua apoiu nafatin”, hatete Embaixadór.
“Ha'u-nia parte mós agradese ba Xefe Estadu, ne'ebé simu ha'u ho di'ak hodi ezerse ha'u-nia misaun iha Timor-Leste ida ne'e hanesan previloju boot ida. Ha'u-nia mandadu iha Timor Leste kompleta tinan haat”, deklara nia. (*)