Login to your account

Username *
Password *
Remember Me

KHUNTO Estabele KPE Prepara ba Dezenvolvimentu Edukasaun iha Timor-Leste

Prezidente Klibur Profissional Edukasaun, Teodoro Soares. Prezidente Klibur Profissional Edukasaun, Teodoro Soares. Foto Tempo Timor

Tempotimor (Dili)-Partidu Klibur Haburas UNidade Nasionál Timor Oan (KHUNTO) deside estabele Klibur Profissional Edukasaun (KPE) atubele halibur ideia hodi prepara ba dezenvolvimentu Edukasaun  Timor-Leste iha futuru .

"Objetivu prinsipál husi KPE nian mak atu sai sumbriña ida ba profesór sira no ajente administrativu sira hodi halibur ideia, diskute programa ne'ebé partidu presiza, bainhira partidu KHUNTO ba ukun oinsá kontribui, hadi’a setór Edukasaun”, esplika Prezidente Klibur Profissional Edukasaun, Teodoro Soares, iha Salaun Esperansa, Elemloi, Aimutin, domingu (13/02).

Ho estabelesimentu ne’e iha tinan kotuk konsege halibur ona ema hodi estabele estrutura, maibé la konsege tomada pose, tanba hetan impedimentu husi pandemia Covi-19 ne’ebé afeta nasaun sira hotu iha mundu inklui Timor-Leste.

“Klaru katak ide hahú estabelese Klibur Profesionál Edukasaun nian ami hahú kleur ona maibé labele hetan tomada de posse, tanba Surtu Covid-19 mak ami la konsege halo. Ohin ami konsege halo tomada de posse no deklara ba Públiku katak KPE hari'i ona”, dehan nia.

Dadaun ne’e KPE, rejista ona profesór hamutuk atus-lima-neennulu (560) husi Munisípiu 12 inklui RAEOA, husi númeru ne'e profesór ho Nível Edukasaun Doutoramentu, Mestradu no Lisensiatura.

Husi dadus ne'ebé iha sei provozória hela tanba akumula nafatin profesór sira hodi bele hatete númeru serteza profesór sira iha Partidu KHUNTO nia larran.

Prepara Estabele Departamentu 19

Vise Prezidente Partidu Klibur Haburas Unidade Timor Oan (KHUNTO), Nicolau Lino Belo hatete, Partidu KHUNTO preparadu estabele departamentu sanolu-resin-sia hodi hametin polítika no Ideolojia partidu nia iha futuru.

“Iha estatutu Partidu KHUNTO mensiona Departamentu hamutuk sanulu-resia-sia maibé ita foin iha rua ne'ebé sai hanesan espelu ba Departamentu sira seluk. Nune'e sai hanesan instrumentu no sumbriña ida hodi haforsa polítika no ideolojia Partidu KHUNTO nian ne'ebé hatete ona liuhusi ninia ideolojia no doutrina rasik fé, esperansa no Karidade”, dehan nia iha salaun Eperansa, Elemloi, Aimutin, domingu (13/02).

Tanba ne’e, Estrutura Partidu fó parabéns no kongratula ba kuadru no intelektual partidu ne’ebé estabele Klibur Profesionál Edukasaun (KPE) ho esturura ne’ebé simu ona posse hodi bele hala’o programa no halibur ideia ba futuru edukasaun iha Timor-Leste.

“Parabéns ba ita-boot sira, primeiru ba KPS (Klibur Profesionál Saúde) tuir kedas Edukasaun nian, parabéns ba Klibur sira hotu”, hatete nia.

Ho ida ne’e, iha ideolojia ida hodi dezenvolve iha parte Edukasaun ninian. Tanba edukasaun hanesan xave ba dezenvolvimentu, bainhira  dezenvolvimentu la’o liuhusi edukasaun mak dezenvolvimentu sei atinje mehi iha futuru.

“Ita-boot sira ne'ebé ohin simu ona kompromisu onra sai nafatin unidade ida hodi sai hanesan forsa polítika iha Partidu KHUNTO ninian”, afirma nia.

Tanba Partidu KHUNTO ninia filozofia ‘Tane o Rai Tane o Ema no Tane o Lisan’ mak departamentu edukasaun envolve ona iha ne'eba hodi haforsa liután ideolojia ne'ebe tau ona iha Partidu KHUNTO estratejia rasik.

“Ita hamutuk nafatin iha unidade hanesan ita-nia líder supremu hamosu no hahoris ona husi sigla no emblema Partidu KHUNTO hatete ona katak hamutuk ita bele liuhusi Tane o rai, Tane o ema no Tane o Lisan ho Fé, Esperansa no Karidade”, haktenik nia. (*)

Rate this item
(0 votes)
Last modified on Monday, 14 February 2022 10:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter