“Sim, ha’u hanoin ita-nia esperiénsia liubá kotuk kuandu to'o ona tama eleisaun, ha'u hanoin ezekusaun sempre menus, la'ós failla maibé dala ruma la to'o tarjetu ezekusaun 100%”, hatete nia iha salaun CNE, Kaikoli, sesta (11/2).

Ba kauza ne'e normálmente akontese bebeik ona iha eleisaun tinan hira liubá kotuk, katak ezekusaun orsamentu la konsege atinje pursentu 100, tanba atividade polítika ne’ebé la’o maka’as hodi impede ezekusaun.

Kona-ba alokasaun Orsamentu Jerál Estadu ba setór edukasaun, saúde, agrikultura no infraestrutura iha tinan 2022 ne'e FONGTIL hakarak hatete katak orsamentu la reprezenta no la refleta prioridade sira ne'e tanba iha alokasaun ne'e mínimu hela.

“Orsamentu ne'ebé mak iha liliu aloka ba setór sira ne'e ha'u hanoin mínimu tebtebes”, deklara nia.

Ho ida ne'e, FONGTIL sujere atu ezekusaun ne'e se bele fó atensaun maka’as liubá setór privadu sira liliu iha prosesu ezekusaun ninian. (*)