“Ita iha regulamentu balun, ne'ebé dekretu Governu fó sai, ita mós iha kódiku penál artigu 229 to'o 243 ko'alia kona-ba krime eletorál sira, krime ne'ebé akontese iha faze kampaña, faze eleisaun no apuramentu votu ne'ebé transforma mai fali iha nasionál”, informa Komisáriu Domingos iha fatin salaun CNE, Kolmera, Dili, sesta (11/02).
Ba preparasaun CNE halo ona liña kordenasaun ho Polísia Nasionál Timor-Leste (PNTL) sira oinsá atu implementa lei sira ne'e iha ámbitu kampaña eleisaun Prezidentesiál.
“Klaru krime ka atu ruma akontese iha tempu ne'ebá, ita sei haree liuba rekezitu ka tipu krime irregularidade ne'e oinsá, depois ita identifika, ita sei aplika lei ne'ebé enposadu, tanba ita sei liña koordenasaun ho Ministériu Públiku ho tribunal, ami halo dadauk ona”, dehan nia.
Nune’e iha loron16 fevereiru, sei iha reuniaun ida ho komandante Polísia Nasionál Timor-Leste (PNTL) iha Munisípiu sanolu-resin-rua-inklui Reijiaun Administrativu Espesial Oekussi Ambeno (RAEOA) iha Dili, hodi bele halo preparasaun di'ak no koordenasaun di'ak antes loron 2 marsu ba kampaña.
Tanba ne’e, husu kandidatu sira espera iha tempu kampaña labele insulta malu, tanba kandidatu sira tenke hatudu nia figura di'ak ba públiku. (*)