“Primeiru ne'e laloos, se konsellu Imprensa atribui hotu karteira profesionál ba cleaner no xofér ba sira ne'ebé laiha direitu ne'e laloos”, dehan Expeditu Dias Ximenes iha Salaun Konsellu Imprensa, Kintal Boot, kinta (10/02).

Karteira profesionál ne'e atribui iha oin rua ba sira ne'ebé hahú estajiu iha instituisaun mídia ida no ida seluk mak jornalista antes hafoin kria lei komunikasaun sosiál.

“Ida dehan direitu otomátiku ne'e ba jornalista ida ne'ebé molok lei komunikasaun sosiál mai, sira ne'e jornalista tiha ona tinan lima ba leten, maibé antes foti sira mós prense formuláriu ne'ebé iha konsellu Imprensa”, esplika nia.

Maibé iha parte ida seluk mak liuhusi prosesu estajiáriu, ne'e iha mídia ida-idak nia depois haruka sira ba tuir formasaun iha konsellu Imprensa nia prosesu durante tinan rua.

Durante hahú hari’i Konsellu Imprensa konsege atribui ona karteira profesionál 273 ba jornalista sira iha teritóriu Timor laran, ne’ebé iha jornalista 73 mak muda ona sira-nia profisaun.

“Sira ne'e jornalista maibé sira ne'e Governu bolu sira sai mídia oficcer nia tama tiha ona funsionáriu no tama tiha ona ba Ajénsia Estadu nian, nune'e nia kartaun ne'e pendim”, deklara nia. (*)