“Maibé ida ne'e mak hatudu liliu Governu hakarak dehan lalika tauk ba kualker intervensaun polítika, ita-boot sira-nia independénsia editoriál ita-boot sira mak hakarak halo kobertura ba sé de'it e depois halo notísia kona-ba saida ne'e Konsellu Redasaun mak deside”, dehan nia iha Konsellu Imprensa iha Kintal Boot, kinta (10/02).
Tanba iha tempu eleisaun prezidensiál ne'ebé besik ona mídia no jornalista sira kontinua independente tenke hatudu kapasidade no labele sadere ba figura ka grupu balun.
“Hodi nune'e jornalista sira iha duni kapasidade no skill katak la inklui ba grupu A ka B no figura A ka B, figura sira ne'e di'ak hotu dalaruma sira-nia tanba ida ne'e teste ida ba ita, tanba ida ne'e mak mantein independénsia ida ne'e ita-boot sira mak deside, tuir líder konduta jornalizmu nian”, afirma nia.
Ho ida ne'e, husu atu hatudu nafatin professional, tanba iha tempu agora husu ba jornalista hatudu imparsiál no profesionalizmu aas, iha momentu di'ak atu hatudu ba públiku. (*)