Deputadu proponente ba proposta votu solidariedade, José Agostino ‘Somotxo Matar Mimiraka’ hatete, votu númeru 6/2022 solidariedade aprovadu, atu resposta no fó sakrifisiu ba servisu ne'ebé Bernard halo ba Timor-Leste.
“Parlamentu Nasionál fó votu solidariedade ba Dr. Bernard Collaery la iha intensaun seluk ba povu Australianu tanba sira mós fó votu solidariedade barak liu iha tempu uluk liu ba”, dehaa nia iha PN, tersa (08/02).
Tanba votu solidariedade ne'e hanesan dalan ida atu hatudu ba povu Australianu, liuliu ba advogadu Bernard Collaery ho nia testamuña rasik, ne'ebé fornese informasaun kona-ba fronteira marítima ne'ebé ligadu ho riku-soin Bayu-udang iha Timor-Leste entre Austrália ne'ebe halo iha gabinete primeiru Governu nian.
Iha segundu guerra mundiál povu Austrália ho Timor-Leste halo ona istória, iha 1975, Bernard Collaery ho nia maluk sira forma asosiasaun ida naran Asosiasaun hodi halo Kampaña ba independénsia Timor-Leste, ne'e hari’i 1975, iha Austrália atu depende direitu povu maubere ba ukun rasik-an.
Nune’e tinan 1989 Ministru Negósiu Estranjeiru Austrália ho Indonézia nian asina akordu ida atu esplora Timor-Leste, husi nia riku-soin Mina no gás.
“Momentu ne'e Bernard ho nia grupu hatama keixa iha tribunál internasionál hodi akuza akordu ne'ebé Ministéiru Negósiu Estranjeiru rua ne'ebé halo ilegál, tanba ne'e sira na’in-rua hetan kondena maka’as husi Governu Australianu”, hatete Somotxo. (*)
