Antes deslokasaun PM Taur Matan Ruak ba Austrália, Parlamentu Nasionál (PN) iha plenária kuarta (08/02) diskute votu solidariedade ba Bernard Collaery hanesan Advogadu Timor-Leste ba Kazu Prosesu Rejeisaun Kooperasaun Tratadu Mini no Gás hasoru nasaun Austrália.

Iha diskusaun votu solidariedade ne’e, proposta aprezenta husi deputadu proponente, José Agustinho Sequeira ‘Somotxo Matar Mimiraka’, Aderito Hugo da Costa, Cornelio Gama ‘L-7’, Luis Roberto Silva no deputada Elvina Carvalho.

Ho esforsu ne’ebé Bernard Collaery hanesan sidadaun australianu nian ne’ebé hakarak luta hodi defende soberanu Timor-Leste no povu nia direitu durante tinan barak nia laran.

Tuir informasaun ne’ebé www.tempotimor.com, rekolla husi fonte iha Gabinete Primeiru Ministru katak, Xefe Governu sei aranka ba nasaun Austrália iha loron 9 fulan-fevereiru hodi hasoru malu ho Primeiru Ministru Australianu.

“Aban katuas ba tuku 12:00 hanesan ne’e ho aviaun Qantar, pois to’o iha Darwin Austrália hafoin Primeiur Ministru Austrália delega aviaun Jet privadu mai tula katuas Taur ba fatin ne’ebé determina ona”, informa fonte ne’e iha tersa (08/02).

Ante ne’e iha loron 3 fulan-fevereiru Primeiru Ministru, Taur Matan Ruak, iha palásiu Prezidente Repúblika hatete, vijita ne’ebé halo hanesan retribuisaun ne’ebé Primeiru Ministru Austrália rasik kovida atu halo vijita ida.

“Primeiru lugar liliu vizita ida ne’e hanesan retribuisaun ba vizita Sua Eselénsia Primeiru Ministru Austrália nian mai ita-nia rain, sei la sala 2019 ne’e, entaun ita retribui fali, momentu ne’ebá nia konvida ha’u ba, la ba tanba situasaun ita rain finalmente ha’u hakarak ba antes ha’u-nia mandatu hotu ha’u hakarak halo vizita ida ne’e”, dehan PM Taur Matan Ruak.

Ba kestaun Greater Surise PM Taur hatete, Timor-Leste iha Ministériu Petróleu no Autoridade Nasionál Petróleu no Minerál (ANPM) atu ko’alia kona-ba asuntu tékniku sira ne’e.

“Ha’u hanoin problema tékniku, ha’u hanoin ita-nia Ministériu Petróleu, ANPM sira halo serbisu maka’as hela, e espera katak ita bele iha tempu ida mai prepara kondisaun sira hotu ita bele hetan solusaun ida”, dehan nia.

Entretantu Ministru Petróleo no Minerais (MPM), Víctor da Conceição Soares harete, Priemeiu Ministru atu desloka ba Austrália hasoru malu ho omólogu Primeiru Ministru Australianu iha kestaun balun tanba ne'e mak para briefing fó informasaun nesesáriu ba Primeiru Ministru hafoin aranka ba Austrália.

“Ha'u hetan konvite husi sua eselénsia Primeiru Ministru atu mai relata atividade setór petróleo minerais, nomós husu informasaun balun, Ministériu ida ne'e iha relasaun ho Governu Australianu”, esplika nia.

Iha informasaun sira ne'ebé importante ba Primeiru Ministru mak, relasaun kooperasaun Australianu ida mak Greater Sunrise, diskusaun progressu kona-ba Greater Sunrise ida mak ninia empreza Australiana Timor Sources ne'ebé mai halo hela atividade iha Timort-Leste, nomós kooperasaun sira seluk.

“Purezemplu iha IPJ (Institutu Petroleo Jeolojia) ne'ebé iha hela akordu kooperasaun ida ho Goe Ciênsia Austrálian tantu sira ne'e mak sai tópiku mai ne'ebé ohin, mai ko'alia ho Primeiru Ministru”, dehan nia. (*)