“Programa IDU (Identidade Úniku) bainhira realiza sei fasilita Governu hodi kuantifika no kualifika servísu públiku sira no hodi reduz Identidade falsu no dupla, Identidade anónimu ka deskoñesidu, reduz no hafasil servísu administrasaun públiku ba futuru”, dehan Diretór iha Lansamentu Website ID Úniku iha Salaun Novo Turizmu, kinta (03/02).
Tanba dalabarak servisu liña Ministériais laiha komunikasaun ba malu atu identifika sistema baze dadus ida-idak hamri’ik mesak, tanba ne'e mak populasaun sira servisu husi Governu ne'ebé mak presta ba kada sidadaun tenke hodi de'it dokumentu ida-idak ba rejistu sira ne'ebé mak Governu fó.
"Ezemplu, João ema ida de'it nia prezensa ne'e iha dadus Ministériais ne'e barak entaun tanba nia iha duplikasaun liliu ba sira ne'ebé mak ajuda orsamentu husi Governu, ezemplu ita haree ba dadus veteranu, bolsa da mãe no seluk seluk tan”, esplika nia.
Durante ne'e ema barak hetan apoiu orsamentu Estadu rua ka tolu tanba baze dadus iha duplikasaun barak nomós dadus mate klamar sira.
"Terseiru mak dadus mate klamar, katak ema ne'e tuir loloos ne'e mate tiha ona mais nia dadus ne'e eziste nafatin iha baze dadus Governu nian tanba baze dadus ne’e barak demais entaun, Governu tenke muda pensaun ida ne'e”, esplika nia.
Durante Governu lakon tempu atu presta servisu ba sidadaun sira no orsamentu ne'ebé Governu tenke gasta hodi selu ba dadus duplikasaun inkluidadus mate klamar sira.
Ho kriasaun ID Úniku ne'e atu kuantifika no identifika hodi ema ida de'it hodi verifika didi’ak katak sidadaun ida labele dupla sidade no kartaun maibé kartaun ida de'it.
ldentidade (ID) Úniku nu’udar rekezitu fundamentál ba implementasaun Planu Dezenvolvimentu Estratejiku (PEDN 2011-2030), espesifikamente iha pontu dala lima liga ba Kuadru Institusionál atu hadi’a teknolojia informasaun no komunikasaun hodi apoiu Governu konjuntu no inisiativa Governu Eletrónika (E-government).
Haree ba ldentidade úniku mós sai hanesan rekezitu xave ba implementasaun Governu eletrónika (Output 1.5) husi Programa Reforma Administrativa (2019 to'o 2023) no nu’udar área priondade Governu (prioridade no. 6) hanesan deklara ona seminanu nasionaá jornada orsamental ba OJE 2022 no Governu informa mós iha reuniaun Kordenasaun Parseiru Dezenvolvimentu sira iha 2021.
Jestora ID Úniku, Elizabeth Batista esplika, Website ida ne'e sei fasilita instituisaun Governu nian atu implementa Governu Elektrónika (E-governament) iha Timor-Leste.
"Kona-ba kapasidade aumenta insititusiun Governu sira-nian, atu implementa Governu Elektrónika hanesan iha prioridade no inisiativa Governu ninian, no iha objetivu seluk mak atu identifika instituisaun prioridade sira katak TIC Timor sai ajensia ida ne'ebé ajuda insitituisaun Governu nian”, infoma nia.
Durante ne'e, TIC Timor mós kria Komisaun téknika Eventuál iha tinan 2020 hala'o ona survey online ba instituisaun Estadu hamutuk 10 durante fulan tolu maibé tanba Pandemia Covid-19 mak survey online ne'e lori to'o kuaze tinan ida hodi halo análiza ba rezultadu peskiza refere.
Orsamentu ba lD úniku propoin iha OJE 2022 ho montante millaun $6 liu no aprovadu $3 milaun-sufisiente ba akizisaun ekipamentu no materiál mínimu (hardware & software) ba estabelesimentu sistema ID Úniku, rekrutamenfu rekursu umanu sira hanesan xave hodi implementa projetu no hala'o atividade relasiona ho informasaun, edukasaun no komunikasaun (EK) inklui mós kapasitasaun. (*)
