“Ami mós ko'alia kona-ba implementasaun uma kbi’it la’ek tinan 2022 nian ne'ebé mak Governu hamutuk ho Parlamentu Nasionál (PN) tau orsamentu ida purvolta miliaun US$71 para konstrui Uma kbi’it La’ek iha territóriu Timór laran tomak 40 mill casas, ke ita sei halo iha tinan ida ne'e benefisia diretamente ita-nia populasaun vulnerável sira iha suku no aldeia sira”, dehan Carvalho ba jornalista sira iha Rezidénsia ofisiál PM Taur Faról, kuarta (02/02).
Tanba iha Debate Orsamentu Jerál Estadu (OJE) tinan 2022 deputadu sira iha uma fukun konsege aprova orsamentu miliaun US$71 hodi halo konstrusaun Uma Kbi’it La’ek ba populasaun vulnerável sira.
Programa hari’i uma kbi’it laek ne'e hahú iha tinan 2021 ne'ebé hari’i uma tolu iha aldeia ida iha kada suku ne'ebé konsege benefisia família no populasaun vulnerável sira.
Alende ne'e mós sei fó benefisia ba traballadór sira ne'ebé mak durante ne'e la hetan serbisu iha inklui mós fó empregadór sira ne'ebé mak fornese material ba Uma Kbi’it La’ek.
"Mas também bele fó benefisiu traballadór sira ne'ebé mak sei empregadu husi kompaña konstrusaun uma kbi’it La’ek nomós setór sira envolve iha fornesimentu materiál konstrusaun no seluk tan. Entaun ami halo avaliasaun ida atividade prinisipal sira oan ne'e ohin Xefe Governu ho sua eselénsia primeiru Ministru”, afirma nia.
Relasiona ho vizita Primeiru Ministru (PM), Taur Matan Ruak iha Munisípiu sira iha Timor laran tomak konsege rona preokupasaun populasaun sira hodi bele tau ba konsiderasaun.
“Cefe Governu kontente ho vizita sira ne'e transmite ona informasaun ne'ebé mak Governu nian nesesáriu para tinan ida ne'e populasaun iha Munisípiu tenke rona e enkontru jerál, xefe Governu Kontente”, deklara nia. (*)