Konferensia iha sesaun dahuluk lao iha atmosfera emosional bainhira Sekretariu Jeral Partidu Fretilin, Mari Alkatiri, hakuak malu ho estrutura FRETILIN mak iha diferensa hanoin ho eis Prezidente ZEESM ne'e.
Hakuak ne'e konsege hamaus fuan husi estrutura Fretilin sira ne'ebé durante brani kestiona lideransa Alkatiri.
Sira hamriik hodi hakat ba hakuak eis Prezidente RejiaunAutoriedade Espesial Oe-Cusse Ambeno (RAEOA).
Maibé, atmosfera ne'e la kleur. Tensaun hahu sa'e bainhira membru Partidu Fretilin ida kestiona kona-ba suspensaun ne'ebé partidu FRETILIN halo ba ninia membru balun.
Diskusaun sai manas liu tan iha parte loraik hafoin partisipante ida husu atu halo investigasaun ba lideransa Fretilin balun ne'
Membru Fretilin ida ne'ebé partisipa iha enkontru refere, Osorio Florindo da Costa, hamriik hodi sadik atu halo suspensaun ba sira ne'ebé partisipa iha enkontru Delta Nova.
Diskusaun sai manas liu tan no hahú la kontroladu nune’e Sekretariu Jeral Fretilin, Mari Alkatiri, deside hodi taka Konferensia loron dahuluk.
Entretantu, Konferensia ne'e rasik tuir planu hala'o durante loron rua nia laran. Ohin nu'udar loron ikus ba Konferensia ne'e.