"Tanba atu hatete katak Priemeiu Ministru atu desloka ba Austrália hasoru malu ho omólogu Primeiru Ministru Australianu e kestaun balun, tanba ne'e mak ohin mai iha ne'e para briefing fó informasaun nesesáriu ba sua eselénsia Primeiru Ministru nia sei ba dia 8 fevereiru tinan ne'e”, dehan Ministru Petroleo no Minerais (MPM), Víctor da Conceição Soares harete, ba jornalista iha Residénsia ofisiál PM Faról, kuarta (02/02).

Nune'e inistériu Petroleo no Minerais mós prepara ona Ekipa ida atu ba Austrália hodi akompaña vizitasaun PM Timor-Leste ho PM Austrália.

Informasaun importante sira ne'e mak hato'o ba Primeiru Ministru Taur Matan Ruak, hodi halo diskute iha Primeiru Ministru Austrália.

"Ohin ha'u hetan konvite husi sua eselénsia Primeiru Ministru atu mai relata atividade setór petroleo minerais, nomós husu informasaun balun, Ministériu ida ne'e iha relasaun ho Governu Australianu”, esplika nia.

Iha informasaun sira ne'ebé importante ba Primeiru Ministru mak, relasaun kooperasaun Australianu ida mak Greater Sunrise, diskusaun progressu kona-ba Greater Sunrise ida mak ninia empreza Australiana Timor Sources ne'ebé mai halo hela atividade iha Timort-Leste, nomós kooperasaun sira seluk.

“Purezemplu iha IPJ (Institutu Petroleo Jeolojia) ne'ebé iha hela akordu kooperasaun ida ho Goe Ciênsia Austrálian tantu sira ne'e mak sai tópiku mai ne'ebé ohin, mai ko'alia ho Primeiru Ministru”, dehan nia. (*)