Print this page

La Prienxe Rekezitu, Tribunál Rekursu Haruka Fila Ekipa Armanda Berta

By January 28, 2022 4499
Prezidente Ekipa Susesu kandidatura Prezidente Repúblika (PR) husi Partidu KHUNTO, Marito Magno. Prezidente Ekipa Susesu kandidatura Prezidente Repúblika (PR) husi Partidu KHUNTO, Marito Magno. Foto Suplay

Tempotimor (Dili)-Tribunàl Rekursu (TR) haruka fila Prezidente Ekipa Susesu kandidatura Prezidente Repúblika (PR) 2022-2027 husi Prezidente Partidu Kmanek Haburas Unidade Nasionàl Timor Oan (KHUNTO), Armada Berta dos Santos, tanba la prienxe rekezitu balun.

Prezidente Ekipa Susesu kandidatura Prezidente Repúblika (PR) husi Partidu KHUNTO, Marito Magno hatete, sira-nia parte seidauk bele rejista, tanba Tribunàl haruka atu kompleta tan dokumentu lista apoiante ne'ebé ekipa susesu aprezenta ne'e.

"Ohin ami seidauk rejistu ami-nia kandidatura Armanda Berta dos Santos tanba Tribunàl husu ami hodi kompleta dokumentu balun”, dehan Prezidente ekipa susesu kandidatura Prezidente Repúblika 2022-2027 husi partidu KHUNTO, Marito Magno iha Trinunàl Rekursu, Kaikoli, sesta (28/01).

Tanba dokumentu ne’ebé ekipa susesu husi Kandidatura Armanda Berta ba aprezente ne'e manuàl (hard copy), maibé tribunàl presiza mak dokumentu eletróniku ka soff copy.

Ho ida ne'e, Tribunál Rekursu deside haruka fila dokumentu sira ne'e, no agora parte ekipa susesu mós esforsu hela atu kompleta fali  dokumentu  apoiante sira ne'e ba soff copy, no sei submete hikas iha tuku 15:00 lokraik.

Purtantu, dadauk apoiante hamutuk  8.641 husi 13 Munisípiu inklui Rejiaun Administrativu Espesiàl Oekussi Ambeno (RAEOA) mak sei fó apoiu ba kandidatura Prezidente Repúblika, Armanda Berta. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items