Print this page

Alkatiri ‘Akuza’ Kandidatu Prezidente Repúblika Balun Hakarak Kria Krize

By January 27, 2022 2555
Sekretáriu Jerál Partidu Frente Revolusionáriu Timor-Leste Independente (FRETILIN), Marí Bin Amude Alkatiri, akompaña husi estrutura partidu halo Konferénsia imprensa iha CCF, Komoro, kinta (27/01). Sekretáriu Jerál Partidu Frente Revolusionáriu Timor-Leste Independente (FRETILIN), Marí Bin Amude Alkatiri, akompaña husi estrutura partidu halo Konferénsia imprensa iha CCF, Komoro, kinta (27/01). Foto Tempo Timor

Tempotimor (Díli)-Sekretáriu Jerál Partidu Frente Revolusionáriu Timor-Leste Independente (FRETILIN), Marí Bin Amude Alkatiri, akuza kandidatura Prezidente Repúblika (PR) balu ba períodu 2022-2027 hakarak krize iha Timor-Leste.

"Ha'u triste mós bainhira iha kandidatu ruma ne'ebé FRETILIN apoiu hodi hato'o nia intensaun ke di'ak mais iha fali kandidatu seluk, ke mai ho intensaun la'ós atu atu hakotu krize maibé atu kria krize”, dehan Marí Alkatiri iha CCF, Fatuhada, kinta (27/01).

Líder Partidu istóriku mós laran taridu bainhira rona deklarasaun hirak ne'e iha partidu balun ne’ebé fó apoiu kandidatura ne’ebé hakarak kria krize.

Tanba atu kandidata-an sidadaun hotu iha direitu ida, maibé tenke iha intensaun ida mak hakarak kontribui ba Paz no estabilidade rai ninia.

"Ne’e mak ha'u-nia laran taridu, ita labele kandidata-an, dehan kedas atu kria krize, ita atu sai Prezidente Repúblika muito bem, iha direitu hothotu nian mais la'ós atu hahú fali krize foun, maibé atu sai husi Krize”, afirma nia.

Kuandu pesoál ruma ne'ebé hakarak kandidatu-an nia komesa buka ona funsionamentu Estadu nia erru hodi hatudu ba públiku atu iha futuru bele hadi’a.

"E kuandu kandidata-an nia komesa dehan fali katak orgaun soberania do Estadu halo desizaun sala, la imparsial, ne'e ita kontra ona funsionamentu, norma do estadu”, deklara nia. (*)

Rate this item
(2 votes)
Last modified on Thursday, 27 January 2022 15:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items