"Ho apoiu ida ne'e naton ona ba ha'u no aumenta ho ha'u-nia kapasidade ne'ebé mak iha bele konkore ona iha eleisaun prezidensiàl manán la manán ne'e povu mak deside”, dehan Kandidtu Felizberto iha Tribunál Rekursu (TR) Kaikoli, kinta (27/01).

Ba kandidtau ne'e, ohin kinta (27/1), Felisberto deside aprezenta ona dokumentu ba Tribunal Rekursu (TR) ho apoiante rihun 7000-resin, atubele kandidata-aan nuudar independente.

"Ha'u-nia presenza iha fatin ida ne'e (Tribunàl Rekursu) atu hato'o ha'u-nia dokumentu, atu aprezenta ha'u-nia kandidatura PreZidente Repúblika 2022-2027", afirma nia.

Husi apoiante 7000-resin ne'e iha munisípiu Dili 2.000-resin, Ermera 1.000-resin no Baukau no Rejiaun  Administrativa Espesiál Oecusse Ambeno hetan apoiante hamutuk 400. 

Felizberto Araújo Duarte deside Kandidata-an nu’udar independente atubele sai Prezidente Repúblika ba povu tomak ho ejizénsia ne'ebé mak povu iha. (*)