“Ami sira ne'e, iha li'ur dehan, sira ne'e fahe malu, maibé ami nunka fahe malu, ami ne'e jura ho isin no rán, mate, mate hamutuk no moris, moris hamutuk, maibé ami destinu naruk, ami-nia soldadu no komandante rihun ba rihun mak ami soe iha dalan”, dehan Lere iha Palásiu Prezidénsia Bairopite, kuarta (26/01).

Tanba Lere konsidere Prezidente Repúblika, Primeiru Ministériu la’ós ema seluk maibé hanesan maun ho alin ne’ebé hamutuk nafatin.

"Ha'u hanoin katak, prezidente Repúblika la'ós ema seluk, ha'u-nia irmaun, ha'u-nia kompañeiru Lú Olo, Primeiru Ministru mós la'ós ema seluk, ha'u-nia irmaun Taur, ha'u-nia kompañeiru Taur, ami ne'e la husik malu, saida mak kesi ami hamutuk ne'e la'ós bosok, rán ho isin kesi ami hamutuk nia hatene ha'u-nia todan sira iha ne'ebé, e nia todan iha ne'ebé ha'u hatene”, afirma nia.

Tenente Jenerál Lere mós deklara, sira sei hamutuk nafatin ho Partidu CNRT, Kay Rala Xanana Gusmão, tanba la'ós rikus soin mak kesi sira hamutuk maibé rán.

"Ohin ha'u dehan, la'ós forsa mak halo ami hamutuk ho rikusoin mak halo ami hamutuk, maibé rán ho isin mak halo ami hamutuk, relasaun ne'ebé de'it ami ne'e sempre hamutuk”, deklara nia. (*)