Print this page

Xanana Lori CNRT Kandidata Horta ba Prezidente Repúblika

By January 23, 2022 1579
Prezidente Partidu CNRT, Kay Rala Xanana Gusmão ho José Ramos Horta ne’ebé Sei Kandidatura-an ba Prezidente Repúblika. Prezidente Partidu CNRT, Kay Rala Xanana Gusmão ho José Ramos Horta ne’ebé Sei Kandidatura-an ba Prezidente Repúblika. Foto Suplay

Tempotimor (Díli)-Prezidente Partidu Congresso Nacional de Reconstrução de Timor (CNRT), Kay Rala Xanana Gusmão lori CNRT kandidata Premiadu Nobel da Paz, José Ramos Horta, ba Prezidente Repúblika períodu 2022-2027.

Tuir informasaun ne'e www.tempotimor.com asesu liuhusi mídia CNRT katak, Konferénsia Nasionál CNRT ne’ebé hala’o iha loron 23 Janeiru 2022 deside hili Laureadu Nobel da Paz, José  Ramos Horta sai Kandidatu CNRT nian ba Prezidente Repúblika (PR) períodu 2022-2027.

Desizaun Konfresiata sira-nian bazeia ba konfiansa katak José Ramos Horta mak kandidatu ne'ebé priense duni rekizitu sira CNRT hatuur ona. 

Husi rekizitu sira ne’e hanesan, Prezidente Repúblika komprometidu atu respeita no halo tuir de’it saida mak Konstituisaun RDTL haruk. Hatuur fali orden konstitusional ne’ebé politiku má-fé sira sobu no estraga tiha ona.

Prezidente Repúblika eleitu komprometidu atu hatuur hikas lejitimidade no dignidade orgaun Parlamentu Nasionál ne’ebé partidu ambisiozu sira halo asaltu Poder hodi sobu orgaun ida ne’e iha 19 Maiu 2020.

Nune’e Prezidente Repúblika eleitu komprometidu atu restaura fali lejitimidade no funsionamentu normal orgaun Governu ne’ebe dezde 2020 la-funsiona ho normal ne’ebe rezulta ekonomia rai laran hakdasak ba beibeik.

Iha ne’e mós Prezidente Repúblika eleitu komprometidu atu halo reforma iha setor judisiáriu  nune’e bele garante no asegura aplikasaun Lei no Orden, liliu bele garante justisa tuir Konstituisaun no Lei sira haruka.

Relezitu ikus liu Prezidente Repúblika eleitu komprometidu atu lahalo Prezidensia Republika sai fali opozisaun ba Governu, nune’e Governu tuir mai bele atinje estadu tomak nia objetivu atu dada Kadoras Greater Sunrise mai Timor-Leste.

Hafoin deside José Ramos Horta  sai kandidatu husi CNRT nian, delgadu sira ne’ebé tuir Kongresu komprometidu atu halo esforsu hodi garante vitória ba José Ramos Horta iha eleisaun Prezidensiál. (*)

Rate this item
(1 Vote)
Last modified on Sunday, 23 January 2022 18:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items