"Lisan Uma-Na'in, Ha'u bele tama ka la'e?”, dehan Xanana bainhira hakata tama ba Sala Bankada CNRT iha Parlamentu Nasionál (PN), sesta (21/01).
Prezidente Partidu CNRT, Kay Rala Xanana Gusmão nu’udar mós Xefe Konsellu Delimitasaun Defenitivu Fronteira Marítima iha loron sesta (21/01), ba Parlamentu Nasionál tanba hetan konvite husi Komisaun B trata asuntu negosiu estrajeiru, Defeza no Seguransa kona-ba problema fronteira marítima.
Nune'e, Xanana Gusmão to'o iha Parlamentu Nasionál, maizumenus tuku 9:58, maibé ajenda ba audénsia Komisaun B nian, iha tuku 10 entaun Xanana deside uza minutu balun hodi hakat ba vizita sala enkontru Bankada CNRT iha PN.
Dadauk Xanana hala'o hela enkontru ho membru Komisaun B sira iha sala Grupu Feto Parlamentar Timor-Leste (GMPTL) iha Parlamentu Nasionál. (*)