“Ohin, loron 20 de Janeiru tinan 2022, ha'u Armanda Berta dos Santos hakarak hato'o ba públiku, kona-ba ha'u-nia kandidatura ba Prezidente Repúblika tinan 2022-2027”, deklara Armanda Berta dos Santos iha Salaun Esperansa Delta, kinta (20/01).
Ho aprezentasaun kandidatura ne’e, bainhira liu iha Eleisaun Prezidensiál hakarak serbí povu tomak husi rai ulun to'o rai ikun hanesan hotu.
“Ita hothotu agrdese ba Na’i Maromak fatuk ho rai, loron, tasi no ba lulik sira ne'ebé iha lisan hothotu iha Timor laran tomak hodi fó matak malirin mai ita hotu iha rai doben ida ne'e”, harohan nia.
Bainhira sai Prezidente Repúblika sei servisu hodi Hametin unidade povu nia no tuir Konstitusionál Repúblika Demokrátika Timor-Leste nian.
“Se povu Timor-Leste fó fiar mai ha'u atu sai imi-nia prezidente sei nakonu ho esperansa atu tau matan ba nasaun Timor-Leste ho di'ak mak ha'u sei haktuir ba povu no nasaun ida ne'e”, afirma nia. (*)