"Tanba ne'e, hanesan Direjente Polítika, novu jerasaun, iha reponsabilidade morál, atu kompete iha festa demokrásia ne'ebé sei realiza iha 19 marsu 2022”, dehan Angela Freitas hafoin deklara ofisialmente nia kandidatura Prezidente Repúblika (PR) períodu 2022-2027, iha sede kampaña Formoza, kinta (20/01).

Tanba Kandidatu Angela Freitas iha ona misaun atu servisu hamutuk ho Komandante, Prezidente Partidu CNRT, Kay Rala Xanana Gusmão, oinsá mak bele hatuur hikas konstituisaun liuhusi meiu reunifikasaun liliu dizolve Parlamentu Naisonál, no lori autór viabiliza ba hatan iha Tribunál, inklui demite Primeiru Ministru hodi entrega ukun ba Xanana hodi  forma Governu en-jestaun.

Nune'e mós, halo rekonpozisaun ba meza Parlamentu Nasionál (PN) no obrigatóriu halo revizaun no amandamentu ba lei ne’ebé la refleta tradisaun no kultura moris Timor-Leste nian.

"Dalimak hatur hikas konstituisaun Repúblika Demokratika Timor-Leste (RDTL), ho nia referénsia husi konstituisaun 75, tanen kore rezolusaun númeru 37/30/ONU ba potensia administrante portugal, ita pais aliadu la’ós pais subordinadu, ukun ne’ebé naksalak tenke hadi’a, atu nune'e ita bele manán fali konfiansa husi país internasionál”, hatete nia. (*)