Login to your account

Username *
Password *
Remember Me

Martinho Gusmão Deklara Kandidata-an ba Prezidente Repúblika

Eis Padre Martino Germano da Silva Gusmão ofisialmente deklara kandita-an ba Prezidente Repúblika períodu 2022-2027. Eis Padre Martino Germano da Silva Gusmão ofisialmente deklara kandita-an ba Prezidente Repúblika períodu 2022-2027. Foto Tempo Timor

Tempotimor (Dili)-Eis Padre Martino Germano da Silva Gusmão ofisialmente deklara kandita-an ba Prezidente Repúblika períodu 2022-2027, ho karater Kaer metin konsensu Nasionál. 

Martinho Gusmão Deklara Kandidata-an ba PR"Ohin ha'u Martinho Germano da Silva Gusmão, nu'udar sidadaun originaria ida hakarak deklara publikamente no ofisialmente nu'udar kandidatu ho karater konkluzaun ne'ebé sei kaer metin konsensu nasionál no komprimisiu polítika hodi tama iha prosesu eleisaun ba Prezidente Repúblika períodu 2022-2027", dehan nia liuhusi konferénsia Imprensa iha Metiaut, tersa (18/01).

Ho deklarasaun ne’ebé halo haree ba dekretu Prezidente Repúblika Númeru 2/2022 iha 15 janeiru nian kona-ba marka loron eleisaun ba prezidente repúblika.

Iha tinan hirak nia laran hambrik iha altar leten hodi dehan beibeik "Hodi kristu, ho kristu, iha kristu", ohin hahú dalan foun ida hodi dehan "Hodi Povu, ho Povu, iha Povu ita Manán".

"Ha'u deklara-an nu'udar kandidatu ida ho karater inkluzaun tan ema hotu hatene, ha'u mai husi background nu'udar sacerdote dispensado, moris durante tinan 23 nu'udar na’i lulik igreja Katólika, maibé ha'u sai kandidatu hodi povu nia lian halerik ne'ebé mós sarani Katólika sarani", katak nia.

Tanba sira ne'ebé tur iha laran hanesan Kay Rala Xanana Gusmão, José Ramos Horta, Mari Alkatiri, Mario Viegas Carrascalão, José Luis Guterres, Francisco Guterres 'Lú Olo' no Maun Taur Matan Ruak, husi sira ne'e doutor na'in-2 no Jenerál ida mak sai ona Prezidente Repúblika, maibé ninia rezultadu povu mak haree rasik ho matan ba moris loroloron.

"Ninia rezultadu moruk liu iha ita-nia hstória mak Golpe de estado ante-konstituisaun ne'ebé mosu iha 19 maio 2022, ha'u sente labele ona husik liu sasán sira hanesan ne'e", hatutan nia.

Molok foti desizaun sai kandidatu ba Prezidente Repúblika, Martinho Gusmão ko'alia, halo diskusaun no halo dissernimentu barak ho partidu lubuk ida.

Husi partidu lubuk ida ba partidu seluk, lori nafatin nia idea mai husi forum Maubessi kona-ba konsensu no komprimisiu, nune'e ema hothtou dehan haksolok ho Martinho nia hanoin ho vontade atu tama potilika laran.

"Kultura demokrátika nia lala'ok mak nune'e ona, demokrasia pluralista mak ida ne'e duni, partidu ida-idak iha sira-nia dinámika interna. Husi Maiu 2020 to'o ohin loron, ha'u diálogu no dissernimentu polítiku ho partidu sira, hothotu apoiu, maibé PUDD de'it mak halo ona konsensu ho kumprimisiu", hatete nia.

La'ós tan boot ka ki'ik mak halo Martinho laran metin atu sai kandidatu povu nian, ne'ebé PUDD no komprimisiu katak, PUDD lori kandidatu povu nian ba Povu hodi povu hili.

"Ha'u hanoin dehan katak Nicolau Lobato dehan ema seluk kbi’it maka’as no beran boot, ita mesak ki'ik no kbi'it la’ek, 'Entretanto Sabemos, e Podemos m, e Devemos Vencer", haktuir Martinho Gusmão.

Maibé nu'udar Prezidente Repúblika, Martinho sei halo komprimisiu polítika ho partidu hothotu atu tulun sira ho matenek no néon nurak.

"Santo Padre Francisco hato'o lia menon ne'ebé tatoli tuir Cardeal Luis Antonio Tagle hakerek mai ha'u dehan, A igreja convida-o seriamente a ter uma vida exemplar comp leigo e encoraja-o a prestas um serviço útil e frutuoso à comunidade Crista através dos Don's e talento que Deus lhe concedeu", katak nia.

Tanba ne'e igreja konvida ho seriu tebes atu hatudu moris di'ak nu'udar sarani ida no enkoraja atu hatudu servisu ne'ebé di'ak no fuan tebar ba komunidade sarani sira liuhusi kmanek no matenek ne'ebé maromak haraik. (*)

Rate this item
(0 votes)
Last modified on Tuesday, 18 January 2022 16:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter