"Ha’u hamrik iha fatin ida ne'e, nu’udar reprezentante komunidade Bekussi sentru, hodi hato'o ami-nia agradesimentu tanba normalizasun ponte Bekussi sentru”, dehan Reprezentante Komunidade Bekussi Sentru, Mozinho dos Santos iha serimónia agradesimentu obra normalizasaun ponte Bekussi Sentru iha Bekora, sábadu (15/01).

Pozisaun komunidade deside fó apresiasaun ba obra normalizasaun husi Xanana tanba bele hadi’a ona Ponte Bekussi ne’ebé hetan estragu iha loron 3 fulan-janeiru tinan 2022.

"Nune'e ha’u hanoin katak iha lokraik ida ne'e, hanesan istória ida mosu iha ita-nia moris, situasaun ne’ebé akontese iha dia 3 liuba mosu inserteza no serteza”, dehan nia.

Maske situasaun ida ne'e lori tristeza boot ba komunidade, maibé parte Governu seidauk bele rezolve tanba presiza lori tempu no prosesu naruka atu hadi'a.

Tanba ne'e, komunidade liuhusi serimónia agradesimentu obra ba normalizasaun Ponte Bekussi Sentrál, deklara agradese ba Xanana no sei metin iha komunidade nia fuan. (*)