Loron anunsia kandidatura husi kandidatu Lú Olo iha Munisípiu Ermera, Salaun paroquia Imaculada Conceição tuan iha loron Domingu, 16 janeiru 2022 no oras 10 dader.

“Ha'u Francisco Guterrres 'Lú Olo' prontu dala ida tan sai Prezidente Repúblika ba Timor-Leste no ba Povu Tomak", deklara Lú Olo ne’ebé www.temptimor.com asesu liuhusi konvite husi ekipa promosaun Lú Olo nian, sábadu (15/01).

Programa sira ne'ebé sei hala'o iha munisípiu Ermera hanesan, seremónia simu kandidatura Francisco Guterrres 'Lú Olo' husi lia na’in, aprezentasaun lista proponente husi ekipa promosaun apoiu Lú Olo no deklarasaun husi kandidatu Lú Olo.

Antes ne’e, Prezidente Repúblika (PR), Francisco Guterres 'Lú Olo' deklara, nia parte prontu rekandidata ba Prezidente Repúblika iha períodu 2022-2027, bainhira povu tomak fó konfiansa.

"Prezedente prontu atu kandidatu, se bainhira povu tomak hakarak atu prezidente ne'e kandidatu filafali, ne'e ha’u hakarak dahan hanesan ne'e", dehan PR Lú Olo hafoin partisipa selebrasaun 12 Novembru iha Santa Cruz, sesta (12/11). (*)