Login to your account

Username *
Password *
Remember Me

Governu Sei Sobu Uma iha Kampu Taibessi no Bidau

Sekretáriu Estadu Terras no Propriedades (SETP), Mário Ximenes. Sekretáriu Estadu Terras no Propriedades (SETP), Mário Ximenes. Foto Tempo Timor

Tempotimor (Díli)-Sekretáriu Estadu Terras no Propriedades (SETP), Mário Ximenes hatete, Governu sei sobu uma hirak ne'ebé notifika ona iha Kampu Taibessi no iha Suku Bidau liliu Jardin BJ Habibie nia oin, iha tinan 2022.

"Agora ita prepara atu sobu mak kampu Taibessi, Ponte BJ Habibie nia oin ne'e, ita notifika hotu tiha ona, loloos ne'e ita sobu iha tinan rua liu ba kotuk maibé tinan Covid-19 ne'e mak la sobu maibé tinan ida ne'e tenta sobu”, dehan Mário iha nia kna’ar fatin Bebora, kinta (13/01).

Alende ne'e iha parte Kaikoli- Ministériu Solidariedade Sosiál no Inkluzaun, Governu halo ona indiminizasaun maibé seidauk sobu komunidade sira-nia hela fatin refere.

"Ida ne'e mak ita tau kulpa ba se?. Tanba sira iha ne'ebá ne'e ita halo indiminizasaun hotu ona, mais to'o loron ida hakarak uza haruka sai deit”, informa nia.

Maibé SETP mós husu ba instituisaun Governu ne'ebé mak hakarak utiliza rai Estadu molok indiminizasaun presiza mak halo karta bandu ruma ka asegura, atu nune'e komunidade labele akupa tan rai iha fatin refere.

"Agora ne'e nia kulpa mak ne'e instituisaun ida ne'ebé mak iha fó nia mak tenke asegura, tau netik bandu ruma iha ne'ebá ka tau netik seguransa ruma iha ne'ebá”, esplika nia. (*)

Rate this item
(0 votes)
Last modified on Friday, 14 January 2022 11:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter