"Ida ne'e politika bainhira ha'u simu posse husi membru Governu mak ida ne'e, garante, patrimoniu ka bens e serbisu ne'ebé mak sei mamuk no livre ha'u garante no ha'u tau bandu kedas atu ema labele halo konstrusaun iha ne'ebá”, dehan Sekretáriu Estadu Terras no Propriedades (SETP), Mário Ximenes iha nia kna’ar fatin Bebora, kinta (13/01).
Tanba ne’e, Sekretáriu Estadu Terras no Propriedades sobu ona uma lubun hamutuk 18 Tasitolu inklui Xefe suku nia uma ida ne'ebé halo konstrusaun laiha autorizasaun husi Estadu.
“Xefe Suku Madohi foin lalais ba halo fali uma iha tasi ibun parte Tasitolu nia oin ne'e ha'u hatete ba sira langsung sobu kedas ne'e iha ha'u-nia tempu, ha'u-nia tempu mak espasu ne'ebé sei livre mak ema ida halo konstrusaun iha ne'ebá, ha'u haruka sobu kedas, hanesan iha Tasitolu ne'e ita-boot sira hatene parese uma 19 iha ne'ebá ha'u pernah sobu hodi kalan mak balu, hakfodak uma sa'e, ita buka ema laiha, ita mak sobu direta de'it ne'e ha'u garante rai estadu iha hela”, informa nia.
Ho asaun ne’ebé halo atu instituisaun Estadu hakarak uza prioridade rai Estadu refere, iha investór ruma ne'ebé halo Investimentu Governu prontu oferese rai ba sira, atu labele gasta indiminizasaun barak hodi halo konstrusaun. (*)