"Ha’u hanoin, horseik hai responde ona, e ha’u la presiza atu aumenta tan, maibé ha’u toma nota atu lori filafali ba Konsellu Ministru atu apresenta ba señor Ministru Obras Públika, nune'e mós hakerek karta ba nia kona-ba saida mak deputadu sira foti iha Parlamentu”, dehan nia iha plenária Parlamentu Nasionál, tersa (11/01).

Tanba kestaun eletrisidade ne'e, klaru ona katak konkursu públiku la'o iha tinan 2021 foku ba suku 30 resin, ne'ebé mak halo hotu ona, maibé nia implementasaun sei hein bele realiza iha tinan 2022.

"Maibé tinan 2022, iha tan buat lubuk boot ida, mak sei presiza halo tan ba suku 30 resin atubele kompleta suku 400-resin ne’ebé mak oras ne'e iha, ikus mai sei haree filafali ba área aldeia ninian, nomós iha bairu sira ne'ebé ahi seidauk tama", esplika nia.

Kona-ba problema estrada ne'e Ministériu Asuntu Parlamentar no Komunikasaun Sosiál sei toma nota lori ba Konsellu Ministru hodi aprezenta ba Ministru Obra Públika. (*)