Login to your account

Username *
Password *
Remember Me

KAK ho MP Tenke Investiga Uma MDG Husi Governu Anteriór 

Ofisiál Intituisional no Advokasia Asia Justice and Rights (AJAR), Inocencio de Jesus Xavier. Ofisiál Intituisional no Advokasia Asia Justice and Rights (AJAR), Inocencio de Jesus Xavier. Foto Tempo Timor

Tempotimor (Dili)-Ofisiál Intituisional no Advokasia Asia Justice and Rights (AJAR), Inocencio de Jesus Xavier hatete, institusaun estadu hanesan Komisaun Anti Korrupsaun (KAK) ho Ministériu Públiku (MP) tenke investiga Governu Anteriór ho Kompaña ba implementasaun programa Uma Millennium Development Goals (MDGs).

"Nia halo uma ne'e kualidade tuir duni BOQ kalae?. Tanba sa mak halo tiha uma ema la hela, taun ne'e responsabilidade ba Governu anterior, sé mak lidera, sé mak implememta, tenke investiga, tanba ne'e orsamentu Jerál Estadu, oramentu povu nian, ha'u hanoin ida ne'e importante atu haree”, dehan nia ba www.tempotimor.com iha salaun Kanosiana Bekora, tersa (11/01).

Tanba ne’e, dezafia Ministériu Públiku hodi haree sasán sira ne'e, aktu kriminal sira ne'e, na'in ba Ministériu Públik, entaun tenke halo servisu.

"Tanba ne'e ha'u haree prátiku Korrupsaun, ne'ebé Korrupsaun aktu elisitu sira ne'ebé mak fó benefisiu ba-an rasik, ema seluk terseiru parte la benefisia husi uma ne'e, taun KAK ho Ministériu Públik  tenke iha ona kapasidade atu investiga, buka tuir, tanba sa mak ema la hela", hatutan nia.

Uma MGD ne'ebé mak halo ba ema vulnerável sira ne'e, la'ós atu dignifika ema sira ne'e, mais ne'e atu dezakredita vulnerável sira ne'ebé hela iha uma ne'e.

Tanba uma ho kobi house laiha AC (air conditioner), laiha ventiladi, dook fali husi família. Tanba haree ba ema nia dependensia ba nia oan família pois lori fali nia ba fatin seluk ne'e hanesan prezudika ba ninia dependensia ka prezudika fali nia vida. 

Ho ida ne’e, benefisiariu husik uma no labele hela iha ne'ebá  laiha kondisaun, tanba ne’e kontinua hela ho família.

"Uma ida uluk MGD la merese atu halo, no  Ministériu públiku presiza investiga, tanba la'ós osan ema ida nian, ne'e orsamentu estadu, orsamentu ida ne'ebé mak gasta para povu uza, gasta para soe de'it hanesan ne'e labele", dehan nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter