"Ha'u lahatene ministru obras públika nia hakarak ne'e saida, ita iha plataforma maibé KHUNTO nia hakarak iha laran ne'e iha”, afirma nia iha PN, segunda (10/01).
Bankada KHUNTO sente preokupa tanba Estrada ba fali ministru obras públika ninia munisípiu Bobonaro, ne'e estrada di'ak loos, enkuantu estrada ba Venilale no Vikeke at tebes.
Tanba ne'e, KHUNTO deklara respeita plataforma ne’ebé partidu tolu ne'e iha, maibé governante sira tenke respeitu mós KHUNTO ninia hakarak.
Bainhira ministru dehan labele atu rezolve estrada Venilale ho Vikeke di'ak liu rezigna-an no membru husi PLP ida bele troka fali.
Tanba ministru ida kuandu lahatene halo servisu mak mantein nafatin iha pozisaun ida ne'eba ne'e atu halo saida.
KHUNTO ne'e fó ezemplu iha loron sábadu (08/01) deputadu sira ba halo konsolidasaun iha Vikeke, haree estrada aat hahú husi Venlale to'o Kararas-Vikeke no problema ne'e hato'o dala barak ona laiha solusuan.
Ho ida ne'e, husu governante sira, antes ba Parlamentu Nasionál hodi aprezenta orsamentu, tenke tun ba baze ona atu haree área ne’ebé mak esensial liu, liliu ligadu ba obras públika nia servisu. (*)