"Ema balun reza para Governu forte la’e, maibé sira reza para Governu mate lalais, mais ne'e dezafiu ida para ita enfrenta, ida ne'e la to'o, alende nia afeita ita nia ekonomia, osan la dezenvolvimentu la la'o derepente mosu tan Covid-19 nia mai para hela ho ita, iha ema balun dehan aplika estadu Emerjénsia para povu labele halo demonstrasaun, maibé ha'u dehan nasaun ida ne'e lidera ema mai husi ai-laran, la tauk buat ida, la tauk dezafiu”, deklara Taur Matan Ruak, iha ámbitu diálogu ho komunidade iha Munisípiu Manufahi, segunda (10/01).

Tanba Covid-19 ne’ebé invade Timor-Leste, Governu aplikasaun Estadu Emerjénsia dala sanulu-resin konsege impede duni dezenvolvimentu iha territóriu Timor laran tomak. 

"País sira ne'ebé iha kapasidade liu ekonomikamente finanseira, sira mate barak liu fali ita, Estadu Unidus Amérika Variante foun hanaran Omicron ne'ebé iha ona ita-nia rain halo sira mate loron ida juta ida resin”, dehan Taur.

Maibé Timoroan mate ladún barak kompara ho nasaun Amérika mezmu ke povu barak hasoru dezafiu oioin durante ne’e.

"Grasas a Deus ita jere di'ak mezmu fó sakrifisiu barak ba ita-nia sidadaun sira nasaun tomak”, afirma nia. (*)