"Agora eletrisidade sai tiha ona empreza públika, ida ne'e kada tinan ita gasta miliaun US$150, subsídiu ba eletrisidade, Primeiru tanba nia empreza, segundu, ita tenke halo estudu para muda husi eleitrisidade gazoel ba fali gás, tanba bele redúz ba kustu”, dehan PM Taur iha salaun sentru konvensaun Baukua vila antiga, kinta (06/01).

Eletrisidade iha Timor-Leste tenke avansa ba enerjia Renovaveis, atu reduz kustu.

"Ita tenke avansa ba enerjia Renováveis, tana enerjia solár, entaun redúz kustu, Estadu halo subsídiu, mais ho subsídiu ki’ik”, afirma nia.

Tanba dadaun ne'e Primeiru Ministru rekoñese katak, iha liña Ministerial balun ne'ebé iha dívida ho Eletrisidade de Timor-Leste (EDTL).

"Governu mós selu Eletrisidade, Ministériu balun iha dívida, iha tusan ho EDTL, tinan tinan Governu tenke selu ba enerjia ne'ebé uza”, hatete nia.

Tanba Autoridade lokál ne'ebé mak husu ba Primeiru Ministru kona-ba populasaun kbi’it la’ek sira ne'ebé selu eletrisidade.

Autoridade lokál sira-nia hakarak Governu liga liña eletrisidade gratuita ba nia komunidade sira iha territóriu laran tomak. (*)