"VIII Govérnu nia jornada ne'e lafasil, enfrenta dezafiu barak, ne'ebé ita bo'ot sira hatene, ita nia esperensia hatudu katak, ita latauk dezafiu, ita infrenta dezafiu no manan dezafiu," dehan PM, iha salaun sentru konvensaun Baukua vila antiga, kinta (06/01).

Maibé, situasaun hotu ne'ebé mosu pandemia covid-19, dezastre natural inklui krize polítika, sempre simu ho ulun malirin hodi ultrapasa.

"Hametin ita nia rezilensia para infrenta dezafiu manan dezafiu, Govérnu ida ne'e to'o nia mandatu hotu nia halo orsamentu ualu iha Govérnu baibain nia halo orsamentu lima de'it," Taur afirma

Maske, mosu problema bar-barak ne’ebé atu hamonu VIII Govérnu Konstituisionál, maibé PM ne’ebé ho espiritu hanesan uluk harii nasaun Timor-Leste, nune'e sei la manu iha dalan.

PM akresenta, dezafiu no derota sira ne'ebé hasoru ne'e, hanesan inan-ida ba vitoria hodi lori ba oin.

"Ita-boot sira haree iha ita-nia feto sira ba Ospitál tuur ahi nian atu mate sala ita hakfodak, maibé labarik monu sai ita hamnasa, mais nia atu mate, dezafiu ida ne'e hahoris buat di'ak ida," nia fó ezemplu

VIII Govérnu simu dezafiu hotu ba dezenvolvimentu iha nasaun laran, maibé konsege ultrapasa ho pasifikamente. (*)