"CNRT mós hetan konvite, e Partidu CNRT iha delegasaun ekipa ba hasoru ne'e inklui mós bankada, atu ba rona Prezidente Repúblika ko'alia", hatete Xefe Bankada CNRT, Duarte Nunes, iha Parlamentu Nasionál (PN), kinta (6/1).
Parte Bankada CNRT nian, sei reprezenta husi deputadu na'in-2, mak Deputadu Duarte Nunes ho Patrocino Fernandes, hodi akompaña ekipa ne'ebé delega husi partidu CNRT, atu ba ba rona Prezidente Repúblika ko'alia.
"Tuir lei ne'e tenke 60 dias, votasaun ida ikus ne'e tenke fulan ida antes termina hanesan 20 de maio ne'e ida be tomada de pose ne'e, siknifika, dia 19 de abril ne'e eleisaun tenke hotu ona, arik iha segundu ronde mós tenke hotu iha loron 19 abril, ne'e tuir lei", esplika nia.
Tanba tuir lei, tarde liu mak iha loron 19 janeiru ne'e, atu Prezidente Repúblika dekreta eleisaun prezidensiál.
"Agora entre dia 19 ne'e, agora ita foin dia 6, ha’u hanoin ita sei iha tempu, ne'ebe CNRT mos simu konvite, e partidu CNRT iha delegasaun ekipa”, afirma nia. (*)
