"Hanesan Ministériu Parlamentár Assuntu Komunikasaun Sosiál (MAPKomS), mak ne'e ba tinan 2022 primeiru kooperasaun ho Governu Xina ba fase segundu tenke hahú realiza iha 2022 atubele fó mensajen ba públiku katak programa ne'ebé la'o ne'e nia kontinuasaun mak ne'e", dehan nia hafoin reuniaun regular ho PM Taur iha nia Rezidénsia Faról, segunda (03/01).
Antes ne'e programa Sistema Dijitalizasaun Multimedia Terrestre (SDMT) ba Rádiu Televizaun Timor-Leste, empreza públika, (RTTL.ep) atu fasilita komunidade hodi asesu informasaun iha rai laran.
Nune'e tinan 2022 ne'e programa programa Sistema Dijitalizasaun Multimedia Terrestre (SDMT) hodi kontinua habelar iha Timor laran tomak.
Rezultadu avaliasaun ba programa SDMT ne'ebé realiza ona iha tinan 2022, iha Munisípiu balun, rezultadu di'ak tebes tanba ne'e mak sei hala'o nia kontinuasaun to'o Munisípiu 14 inklui Oekussi.
Tanba dadaun ne'e kooperasaun entre MAPKomS ho embaixada Xina la'o di'ak nune'e parte MAPkomS hetan ona informasaun hodi realiza atividade importante iha tempu badak.
"Ba Governu Timor-Leste tenke prepara torre ona ba fatin sira-nia dezeñu ba prepara ona buat hothotu hein hela tenderizasaun la'o hela”, afirma nia.
Iha programa seluk ne'ebé mak MAPkomS tau prioridade iha segundu kona-ba lei Krime sibernétika no rádiufuzaun iha Parlamentu Nasionál hodi hein kontinua nia prosesu sira.
"Iha área komunikasaun sosiál nian halo oinsá mak prepara lei Krime sibernétika no rádiufuzaun hotu iha ona parlamentu ha'u informasaun ona ba señór Primeiru Ministru katak ida ne'e mós sai ona prioridade”, informa nia.
Tanba ida ne'e mak tempu badak MAPkomS sei diskute lei rua ne'e ho Deputadu sira iha Parlamentu Nasionál.
"Ha'u tenke diskute maka'as ho Parlamentu para bele hetan aprovasaun bele sai regulamentu atu regulariza ita iha área komunikasaun sosiál”, esplika nia. (*)