"Ko'alia kona-ba karteira profesionál ne'e, atu fó ba jornalista, ita la'ós fó ba kondutór ka fó ba sè ne'e la'e, ninia objetivu mak jornalista. Wainhira nia la'ós jornalista nia labele simu karteira profesionál, e se bele nia entrega fali karteira profesionál ba iha nia fatin, tanba nia la'ós jornalista”, dehan nia hafoin hala'o diálogu ho entidade mídia nasionál sira iha Sentru Formasaun Tibar, kuarta (29/12).

Tanba karteira profesionál ne'e, só jornalista mak iha diretu bele hetan bazeia ba lei númeru 5/2014, lei kona-ba komunikasaun sosiál nian.

Ba kestaun legalidade ida ne'e, Ministériu ba Asuntu Parlamentár no Komunikasaun Sosiál sei haree no buka tuir informasaun sira ne'e, seráke loos ka la'e, nune'e bele husu atensaun ba Konsellu Inprensa.

"Ha’u dala ida tan katak, buat ida ne’ebé ita ko’alia ne'e kona-ba jornalista tanba nia profisaun hanesan jornalista nia mak iha diretu hetan karteira profesionál. E lei komunikasaun Sosiál mós ko’alia kona-ba karteira profesionál ne'e ba jornalista sira”, hatete nia. (*)