"Sei atribui nafatin tamba ami hahú husi 20,24 anos, mas agora 2022 ami tama fali kona-ba 15,19 ho volume boot oituan to'o atus, mas ami sente katak sei la dala ida de'it atu atribui, maibé ami sei halo metade para depois alkansa to'o hotu, e sei desmobilizadu hanesan ne'e to'o 8,14", deklara nia hafoin hasoru malu ho Prezidente Repúblika (PR), Lú Olo iha Palasíu Prezidensiál Bairopite, tersa (28/12).

Depois Governu sei haree to'o veteranu ho dedikasaun eskluziva 8 a 14, maibé provizoriamente iha atus-resin mak Governu foti ema hamutuk 30 ka 40 iha tinan 2022.

"Montante ami reduz oituan, antes ami tama ho 40 mill ba sira 20 a 24 anos, mas depois 15 a 19 ami reduz ba 35 mill ital, ida ne'e mak ami-nia planu ba orsamentu 2022. Proriedade ba sira ne'ebé desmobilizadu ba veteranu 20 a 24 e 15 a 19 e depois 8 a 14", reafirma  nia.

Kona-ba situasaun veteranu liliu atribuisaun kokntrusaun uma ba veteranu sira 20 a 24 ne'ebé hala'o iha 2020 mai to'o 2021 finaliza ona, agora tama fali ba faze 15 a 19 ne'ebé sei atribui tempu ba tempu tuir orsamentu.

"Imi hotu hatene ona, tinan hirak liuba kotuk 2020-2021, ami atribui ona ba veteranu vivos no mate totál 118, la konsege hotu, maibé hela de'it ida, parese husi Lakluta tanba fen no oan mate ona, entaun  ninia atribuisaun ba konstrusaun uma ho osan 40 mill filafali ba banku ou kaixa estadu”, esplika nia.

Iha ne’e informa mós ba PR Lú Olo, kona-ba verifikasaun dadus tinan 2009 ne'ebé foin atinje to'o pursentu 40, 50,  nomós planu asaun sekretáriu estadu ninian durante tinan 2021ne'e, la'o iha postu neen-nulu (60 ) resin atu ko'alia kona-ba hari’i monomentu, ho fundu veteranu ne'ebé ko'a durante tinan rua liu ba  to'o agora atinje ona millaun 20. (*)