Login to your account

Username *
Password *
Remember Me

Janeiru 2022, KM sei Nomeia Administradór Munisípiu Ataúru 

Mapa Postu Administrativu Ataúru ne’ebé sei muda ba Munisípiu. Mapa Postu Administrativu Ataúru ne’ebé sei muda ba Munisípiu. Foto Espesial

Tempotimor (Díli)-Ministru Administrasaun Estatál (MAE), Miguel Perreira de Carvalho hatete, iha fulan-janeiru tinan 2022, Governu liuhusi Konsellu Ministru halo deliberasaun ida hodi nomeia administradór dahuluk ba Munisípiu Ataúru hodi tau matan ba administrasaun Munisipál nian.

"Ida Ataúru nia estabelesimentu ne'e aprovadu ona ho lei de administrativu de territóriu nian, iha tempu Janeiru nia laran Konsellu Ministru halo deliberasaun ida atu hatudu ema ida sai hanesan administradór ba Munisípiu Ataúru nian e ida ne'e primeiru aktu ne'ebé Governu halo atu administrasaun Munisípiu ne'e funsiona”, informa Ministru Miguel ba jornalista sira iha Rezidénsia PM, Taur Matan Ruak, Faról, tersa (28/12).

Alende ne'e mós sei hili mós sekretáriu ba administrasaun Munisípiu Ataúru hodi implementa planu atividade nomós planu orsamentu ne'ebé mak Parlamentu Nasionál aprova ona iha debate espesialidade ba tinan 2022 nian.

"Tinan oin Ataúru mesak de'it Parlamentu Nasionál aprova orsamentu purvolta miliaun US$2.5 iha diferente kategória de orsamentu, atu halo dezenvolvimentu iha sosio-ekonomiku”, esplika nia.

Administrasaun Ataúro sei funsiona ho administradór Munisípiu nian, nomós ajente administrasaun públiku no dirijente ne'ebé sei servisu iha Ataúru.

"Kona-ba edifísiu Administrasaun Ataúru nian ekipa tékniku konklui ona dezeñu, konseitu aprova dezeñu sira oinsá atu implementa”, hatete nia.

Kona-ba konstrusaun edifísiu sira ne'e sei lori tempu tanba sei prosesu, maibé serbisu ajente administrasaun sei funsiona iha fulan-janeiru 2022. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter