"Iha 30 dezembru tuku 8:00 oras timor-leste, dadersan misa iha Motael hodi ba vijita Saudozu sira iha jardin Erói Metinaru, 31 dezembru 2021 sei halo palestra ou mensajen simples balu kona-ba loron 31 nian, no hothotu sei marsa hahú husi Palasíu Prezidente ba para iha rotunda Nicolau Lobato, iha ne'ebá mak Prezidente sei halo nia diskursu erói nian iha monumentu Nicolau Lobato", dehan Ministru Asuntu Kombatente Libertasaun Nasional (MAKLN), Julio Sarmento 'Meta Malik', hafoin hasoru malu ho PR Lú Olo iha Palasíu Prezidensiál Bairopite, tersa (28/12).
Komemorasaun loron veteranus iha equipa komisaun organizador husi Prezidente Repúblika rasik husi Xefe casa civil nian, husi sekretáriu estado kombatente libertasaun nasional no vise ministru estatal sira na'in-3 mak sai equipa hodi prezide situasaun ne'e iha loron 30 no 31 dezembru.
Enkuantu, Presidente Repúblika iha rekomendasaun barak kona-ba problema veteranus ida ne'ebé esensial tebes no problemátiku e buat hotu ko'alia mak osan, ho razaun balu mak vetaranus 2003 ne'ebé agora ho volume kuaze 20 mil habitantes mak hetan pensaun.
"Tinan-tinan estadu tenki gasta osan oitenta (80) ital milhões para selu pensões veteranus, mártires e veteranus e ha'u aprezenta ba Presidente Repúblika se karik dadus verifikasaun 2009 mak ho pursentu 50, ho tan volume ne'ebé ohin la'o hela ho 80 ital milhões por ano estadu sei gasta husi 124 milhões ital kada tinan ba veranus sira, tamba ita inisia ho pensaun veteranu. (*)