Tanba Estrutura PD iha Postu Administrativu Na’in Feto, Munisípiu Dili, dadaun ne’e servisu hela hodi estabelese estrutura sira iha Suku no Aldeia.
Hanesan mós iha loron kuarta (23/12), estrutura PD Nasional hametin estrutara iha Aldeia Moris Foun, Santa Cruz, Na’in Feto, Díli, hodi fó pose ba ema na’in-88 hodi kontinua haforsa partidu iha baze.
Esforsu estrutura Postu Administrativu Na’in Feto ne’ebé hahú iha fulan-Novembru 2021 konsege estabele ona estrutura iha aldeia hamutuk 29 husi aldeia 38, ho suku 6 iha postu Administrativu refere.
Husi suku 6 ho estrutura estabelesidu kuaze iha ona ema 1000-resin husi suku 4 no hela suku rua ne’ebé tuir planu sei realiza tomada pose iha tempu badak hodi kompleta estrutura sira iha aldeia no suku. (*)