"Husu líder sira-nia hanoin para kampaña sira mai ne'e, tanba ita sente kampaña ida mai ne'e forte, kampaña ida ke partisipasaun la'ós joven de'it maibé mós lideransa 1975 nian, entaun ida ne'e preokupasaun ita-nian, señór Primeiru Ministru (PM) hanesan mós ema gerilleiru hanesan mós Jenerál ida ne'ebé vizaun di'ak, ne'e ami prepara kampaña ne'ebé di'ak debate ho di'ak, ita iha kalma nia laran, kalma no unidade nafatin”, dehan José Agostinho ba jornalista sira iha Rezidénsia PM Faról, kinta (23/11).
Alende ne'e atu asegura di'ak liután iha prosesu kampaña sira, CNE kontinua husu nafatin ba líder Nasionál sira atu akompaña iha prosesu eleisaun sira, nune'e iha responsabilidade, neutralidade, hodi simu kualker rezultadu husi eleisaun.
"Eleisaun supervizaun ne'e sei monu iha fulan-marsu entaun iha tempu udan, ami husu mós apoiu Governu nian oinsá para fasilita mós órgaun eleitorál sira, atu nune'e halo sira-nia atividade ho di'ak, liliu aspetu transporte hodi bele utiliza másimu e modalidade ne'ebé ami iha maibé ami mós husu apoiu ajuda fatin balun atubele la'o di'ak”, afirma nia.
Dadaun ne'e preoarasaun ba eleisaun la’o ona no hein data publikasaun loron eleisaun no kampaña eleitorál tanba sirkulu eleitorál finaliza ona iha fulan-dezembru nia laran. (*)