"Prezidente nia rekomendasaun husu para debate sira mai ne'e, ita tenke formula ho di'ak e halo ho kualidade, para debate ne'e bele ajuda mós ita-nia leitór sira profesionál, atu fó sira-nia votu kandidatu sé de'it mak mai", dehan Prezidente Komisaun Nasional Eleisaun (CNE), José Agostinho da Costa Belo, hafoin hasoru malu ho PR Lú Olo iha Palasíu Prezidensiál Bairopite, kinta (23/12).

Tanba asuntu ne'e mak CNE husoru Prezidente Repúblika atu espresa kandidatu sira liubá, nomós Mari Alkatiri, Ramos Horta no Xanana Gusmão atu halo evaluasaun ba situasaun debate sira no kampaña liuba.

Nune’e regula tempu ho di'ak, kondisaun bele ajuda tebes atu kandidatu bele espresa sira-nia hanoin, konseitu, opiniaun, kompromisu ba rai ida ne'e atu fó reposta ne'ebé d'ak.

"Ne'ebé prezidente sente informadu e nia hakarak husu para STAE ho CNE, liliu CNE para tempu saida de'it Prezidente iha kontaktu mai, fó hanoin ka konsulta, ruma Prezidente disponível", hatete nia.

Enkuantu, observadór internasionál ne'ebé sei partisipa iha Eleisaun, dadaun ne'e Governu haruka ona konvite ba Uniaun  Europea, komunidade internasionál no reuniaun halo ho sira ne'ebé disponível atu mai, maibé númeru seidauk hatene.

"Ita-nia hanoin se sira mai barak di'ak liután, atubele asiste ita-nia eleisaun ne'e ho di'ak e fó mós hanesan opiniaun balun, atu rekoñesimentu la'ós de'it nasionál mas internasionál, simbolizasaun ida ne'e bele ajuda Timoroan atu aselera lais nia dezenvolvimentu liuhusi hili votasaun tenke di'ak no imparsial, rezultadu ita hotu bele simu”, haktenik nia. (*)