Login to your account

Username *
Password *
Remember Me

CNE Husu Opiniaun Prezidente Repúblika ba Eleisaun iha 2022

Prezidente Komisaun Nasional Eleisaun (CNE), José Agostinho da Costa Belo, hetan akompña ho Komisáriu CNE, ko’alia ho mídia sira iha Palásiu Prezidensial, Bairopite, kinta (23/12). Prezidente Komisaun Nasional Eleisaun (CNE), José Agostinho da Costa Belo, hetan akompña ho Komisáriu CNE, ko’alia ho mídia sira iha Palásiu Prezidensial, Bairopite, kinta (23/12). Foto Tempo Timor

Tempotimor (Dili)-Prezidente Komisaun Nasional Eleisaun (CNE), José Agostinho da Costa Belo, hamutuk ho ekipa hala’o enkontru ho Prezidente Repúblika, Francisco Guterres 'Lú Olo' hodi husu opiniaun ba eleisaun Prezidensiál iha tinan 2022.

"Konsidera hanesan Xefe Estadu, hanesan aman ida ba nasaun no hanesan líder nasionál ida, husu mós nia opiniaun para eleisaun mai bele la'o ho di'ak, haakat karik, haakat ho di'ak, demokrasia ne'ebé ita atinje ona bele servisu ho di'ak liután, atu apoiu moral, apoiu polítika, atu organ ne'e servisu ho susesu iha ita-nia rai", dehan José Agostinho hafoin hasoru malu ho PR Lú Olo iha Palasíu Prezidensiál Bairopite, kinta (23/12).

Kona-ba númeru eleitorál agora dadaun dadus ne'ebé iha 800-resin, prezidente Repúblika mós akompaña, maibé oinsá mudansa ba lei kona-ba resenseamentu eleitorál agora la'o hela difikulta mós sidadaun sira, liliu estudante no eleitór foun sira ne'ebé atu hasai kartaun eleitorál.

"Data ba resenseamentu ne'e sei hotu de'it iha janeiru, ne'e hanesan difikuldade balun ne'ebé ami hato'o, maibé CNE iha ona hanoin servisu hamutuk ho STAE, liliu notariadu para aselera lalais númeru sira foun, nune'e volume ne'e aumentu atu fó reposta di'ak ba ita-nia sidadaun atu hasa'e kartaun eleitorál", informa nia.

Enkuantu, liga ba loron eleisaun Prezidensiál ne'ebé Prezidente Repúblika atu dekreta sei rona uluk husi orgaun sira, tanba ne'e iha semana liuba Prezindente nia konvite ba ona organ eleitorál STAE ho CNE inklui mós Ministru Administrasaun Estatal.

"Ami hato'o ona kona-ba kalkulasaun data ne'ebé ami hato'o, agora depende ba sua Prezindente atu konsulta mós ho partidu politiku sira bainhira mak hasai, mais prinsipal katak, janeiru agora prezidente sei fó data ne'ebé ba eleisaun ninian e ami husi organ eleitorál ami servisu nafatin, preparasaun oinsá ho di'ak atu realiza eleisaun", esplika nia. 

Data previzaun ba Eleisaun prezidensiál dalarum bele iha segundu semana, maibé depende Prezidente tetu, maibé CNE haree ba preparasaun, haree ba kalkulu kalendáriu sira ne'e, hanoin sei normál hela, ne'ebé prezidente iha tempu ne'ebé di'ak atu fó sai.

"CNE hanesan organ eleitorál Eleisaun importante ba ita-nia sidadaun, ita-nia rai, tanba ne'e mak tenke servisu ho imparsialidade, neutral nafatin, e segundu Governu, Estadu ida ne'e sei apoiu nafatin organ eleitorál atu halo elisaun ida ne'e di'ak", afirma nia. (*)

Rate this item
(0 votes)
Last modified on Thursday, 23 December 2021 16:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter