"Ha'u mós foun mai iha ne'e (Timor-Leste) no ha'u sei hato'o filafali ba Jakarta, tanba ne'e ha'u mós lakoi fó Komentáriu ne'ebé kle'an no dook kona-ba ida ne'e maibé konsent ida ne'e ba sentru (Pusat) atu oinsá mak haree kona-ba ida ne'e”, dehan Embaixadór Indonézia, Okto Dorinus Manik, ba jornalista iha Rezidénsia Faról hafoin enkontru ho PM Taur, kinta (23/12).
Maibé pontu importante ne'ebé mak dadaun ne'e hala'o mak Indonézia hakarak apoiu iha área ekonomia, saúde, edukasaun atu apoiu Timór ba Association of Southeast Asian Nations (ASEAN).
"Maibé importante ne'ebé mak ita haree ba oin saida maka iha sei hala'o, hodi povu ne'e nia ekonomia ba oin, ida ne'e mak prioridade ne'ebé hala'o agora. Ita hakarak mak ita-nia maluk sira iha ne'e avansa iha área ekonomia, edukasaun, saúde, atu nune'e Timor ba oin mós hola parte iha ASEAN”, informa nia.
Tanba Timor-Leste atu tama ba Association of Southeast Asian Nations (ASEAN) tanba ida ne'e mak tenke kria kampu traballu ba povu sira iha Timor-Leste nomós iha fatór seluk ne'ebé mak sei impedimentu hela. (*)